Әлемді жауалған «Кек алушылар» картинасының адал жанкүйерлері, фильмді секунд санап күтуде! Айтулы премьера алдында, киногерлер ұжымы да ерек толғанысты бастан өткерді. Лос Анджелесте, фантастика кейіпкерлері қолдарының іздері бар ерекше тақтайшалар орнатылды.

«Кек алушылардың» алты өкілі – Темір Адам, Халк, Тор, Капитан Америка, Қара Жесір мен Клинт Бартон «Голливуд» бульварындағы Қытай театры алдында бас қосты.

Суперқаһармандар бұл жолы, жамандық атаулымен күресу үшін емес, өздерінің қолтаңбаларын мәңгілікке қалдыру үшін жиналған еді. Осылайша, «Марвелдың» толағай табысы жердегі іздер арқылы естелік ретінде сақталмақ.

Боб Айгер, «The Walt Disney» президенті:

- Тарихта қандай да бір компания дәл осындай табысты 22 фильм жасай алды деп ойламаймын. Франшизаның сәтті шығуына, суперқаһармандар оқиғасының бір-бірімен байланыстырылып баяндалуында дер едім.

Еске салсақ, Уолт Диснейге тиесілі, «Кек алушылар» картинасының франшизасы тарихтағы ең табысты туынды саналады.

Кассалық жиыны бойынша таңқалтқан фантастикалық ленталар жиынтығы 2007 жылдан бастап 18,6 млрд қаржыға кенелген.