Аты аңызға айналған «Рэмбо» картинасының 5-шісі көрерменге жол тартпақ! Еске салсақ, бұл лента Сильвестр Сталлоне түскен ең соңғы бөлім болмақ. Ал, көптен күткен туынды қашан жарық көреді? Жауабын тілшіміз айтсын.

Кейіпкер «Рэмбо» мен Сильвестр Сталлоне егіз ұғымға айналғаны қашан. Дэвид Морелланың романы желісімен таспаланған туынды 1982 жылы жарық көрген еді. Содан бері, лента көрерменнің сүйікті картиналарының тізімінде. Тіпті, халық сұрауымен, фильмнің тағы 3 бөлімі жарық көрген болатын.

Енді міне, 37 жыл салып, Рэмбоның 5-шісі үлкен экранға жол тартпақ. Кинокартинаның соңғы түсірілім күнін инстаграм парақшасына жүктеген Сталлоне, бас кейіпкермен бұдан-былай қош айтысатынын жеткізген еді.

Сильвестр Сталлоне, актер, режиссер, сценарист:

- Бұл «Рэмбодағы» соңғы сахналарым болмақ. Мен кейіпкермен сонау 1980 жылы таныстым. Көбісі бұл киноға түсікісі келмесе, мен керісінше одан үлкен мүмкіндік көрдім.

Одан бөлек, Сильвестр соңғы бөлімінде Джон Рэмбоны талай тосын сыйлар күтіп тұрғанын жеткізді. Киногердің айтуынша, шытырманған толы лента қыркүйектің 20-сы күні ұсынылмақ!