Танымал поп-жұлдыз Джесси Джей күні кеше туған күнін атап өтті. Әншіні төл мерекесімен алғашқы болып ғашығы Ченнинг Татум құттықтаған. Жұбы жарасқан қос жұлдыздың қарым-қатынасы қалай басталды?

«Саған бақыт пен махаббатқа толы ғұмыр тілеймін! Сен менің өміріме жылулық бере алдың. Менің күн сәулем, сен бәрінен өзгешесің. Туған күніңмен!»

31 жасқа толған Джесси Джейді, дәл осылай құттықтаған Ченнинг Татум көптің сүйіспеншілігін оятты. Алғашында қарым-қатынасын құпия ұстаған актер, әнші бикешпен 2018 жылдың қазан айынан бастап көңіл қосқан екен. Біраз уақыттан бері жұрт назарынан тыс жүрген ғашықтар, енді жасырынбауға келісіпті.

Натали Портман өзінің қауіпсіздігіне алаңдаулы. 37 жастағы актрисаға бірнеше айдан бері белгісіз жігіт тыныштық бермей жүрген көрінеді. Голливуд жұлдызының мазасын алған бейтаныс жан, өзін Джон Уик деп таныстырған. Натали үйінің маңын торуылдаған жанкүйерін қайтадан кездестірсе, сотқа бермек.

Әйгілі «Motley Crue» тобына арналған фильмнің авторлары, түсірілім жұмыстарын тоқтатуға мәжбүр. Себебі, картинада басты рөлдің бірін сомдайтын Луи Ди Винченти жарақаттанған екен. Ол соңғы сахналарды таспалау барысында денесін күйдіріп алған. Енді актер, жоба ұйымдастырушылары мен «Netflix» кинокомпаниясының үстінен шағым түсіріп, 2 млн доллар өтемақы талап етіп отыр.