Асыл Айдардың корейлік әріптестерінде жағымды жаңалықтар жетерлік! Мәселен, «Арми» енді өзінің сүйікті «айдолдарының» мүсінін сатып ала алады! Енді, BTS мемберлерінің образындағы қуыршақтар дүкен сөрелерінде пайда болмақ.

«Армиге» мұндай мүмкіндікті Mattel бренді сыйлады. Әйгілі корейлік бойзбендпен ерек каллобарация жайында, компания Твиттер желісі арқылы жариялаған. Жанкүйерлерге қуанышты хабарды жеткізген ұйым, болашақ қуыршақтардың фотоларымен де бөлісті.

Жеті мемберден құралған ойыншықтар - BTS-тың кішкентай көшірмесі. 30 сантиметрлік мүсіндер жігіттердің «Idol» бейнебаянындағы образын дәлме-дәл қайталайды. Қыркүйектің 1-і күні сатылымға түсетін әрбір қуыршықтың құны – 20 доллар болмақ.

Боизбендтің өзі болса, кезекті жинағын жарыққа шығару үшін аянбай еңбектенуде. Еске салсақ, ұжым сәуірдің 13-і күні «Map Of The Soul: Persona» атты су жаңа альбомның тұсауын кеспек. Ал, келесі күні жігіттер аталмыш туындыдағы тректерін, америкалық «Saturday Night Live» шоуында орындайды.