«Никелодеон» үшін де бұл уик-енд жемісті өткендей! Беделді арна табыстайтын «Kids' Choice Awards» өз жеңімпаздарын анықтады! Еске салсақ, әйгілі марапатқа үміткерлер тізімінде кішкентай вайнеріміз – Аминокка да болған.

Қазақстандық ютубтың миллионері атанған бүлдіршін «Ресейлік көрерменнің ең сүйікті жаңа блогері» жүлдесінен дәмелі еді. Өкінішке қарай, жас актрисаның асығы алшысынан түспеді.

Еске салсақ, аталмыш марапат Ресеймен қатар бірқатар елдерде де табысталады. Мәселен, Лос-Анжелестегі «Kids' Choice Awards» шарасына танымалдар көптеп жиналды!

Қызыл кілемде Уилл Смит, Диджей Халед пен рэпер Тиай балаларымен бірге төбе көрсетсе, Наоми Скот пен Offset сынды өнерпаздар жалғыз келуді жөн көрген.

Сайыстың шарты бойынша – халықтың дауыс беруі арқылы үздік деп танылған жеңімпазды сахнада жасыл түсті сұйықтықпен шомылдырады. Алайда, арнайы жүлдені еншілесе де мұндай сынақтан Ариана Гранде қашып құтылды.

Өйткені «Үздік әйел әнші» жүлдесін иемденген өнерлі бикеш бұл кешке қатыса алмаған. Одан өзге, ерлер арасынан Шон Мендес - үздік әнші, Maroon 5 -үздік топ және Билли Айлиш – үздік жас әртіс атанды.

Кештің шымылдығын әсем әнімен жабу – Джастин Бибермен бірге үздік каллобарация иегері атанған Диджей Халедке бұйырған еді.