Шон Мендестің фанаттарының қуанышында шек жоқ шығар. Америкалық әнші жігіт Канадада өткен «Джуно» атты музыкалық бәйгеден 5 бірдей жүлдені еншіледі. Аталмыш шара «Грэммимен» пара-пар!

«Juno Awards» – 1970 жылдан бері өткізіліп келе жатқан мәртебелі музыкалық шара. Канадалық премияның биылғы жеңімпазы болып – Шон Мендес танылды. Жас өнерпазға «Жыл әншісі», «Үздік композитор», «Үздік поп-альбом» номинациялары бұйырған. Шонмен қатар, бұл кеште Аврин Лавин және Пост Малоне де тиісті марапаттарын еншіледі.

Николь Кидман өз балаларының кино әлеміндегі тұсауын кесті. Актрисаның екі қызы да «HBO» телеарнасы ұсынған «The Undoing» туындысында ойнаған. Никольдің өзі болса – аталмыш телехикаяның

басты кейіпкерінің бірі. Бұрымдыларын да өз ізімен жетелеуді қалайтын Кидман, енді олардың бағын толықмертлі картиналарда сынап көрмек.

Джонни Депп пен Эмбер Херд бірнеше жыл бұрын ажырасса да, әлі күнге дейін соттасып әлек. Экс-күйеуін ұрып-соқты деп айыптаған актриса, енді заң жүзінде тиісті жауабын алғандай. Себебі, Джонни өз кінәсіздігін дәлелдеу мақсатында, құзырлы органдарға жеке мұрағатынан 87 видео материал тапсырған екен. Олар ерлі-зайыпты болған кезде түсірілген бейнетаспалардан, керісінше Хердтің жұбайына көрсеткен кейбір зорлық істері әшкереленген.