Карди Бидің күйеуі алғашқы әнжинағын жарыққа шығара салып, ең үздік альбом иегері атанды. Оффсеттің «Father of 4» туындысы сатылымы жоғарылар қатарында. Одан өзге, Биллборд чарты қандай тректерді тыңдауға кеңес береді?

«Оскардың» мәртебелі мүсіншесін еншілеуі, Гага мен Купердің атағын асқақтата түскендей! «Жұлдыз дүниге келді» картинасындағы күллі тректерді халықтың таласа тыңдауда. Әнжинақ, осылайша қайтадан Биллбордтың үздіктер көшін бастады.

Ең сатылымы жоғарылар қатарында су жаңа альбомдар да жоқ емес! Карди Бидің күйеуі Офсеттің тырнақалды «Father of 4» туындысы санаулы күннің ішінде 89 000 данамен таралып үлгерген.

Жинақтың жармалануына, атышулы отбасындағы жағдайлар әсер етті дейтіндер де бар. Алайда, хип-хоп орындаушы жұбайымен ажырасуы керісінше шығармашылығына кедергі болғанын алға тартады. Айтпақшы, Оффсеттің аталмыш альбомдағы «Red Room» әніне, отандасымыз Айсұлтан Сейітов режиссер ретінде бейнебаян таспалап берген еді.

Оффсетпен салыстырғанда, Lil Pump-тың жас та болса, бас болып жүрген жайы бар! Небәрі 19-ға келген рэпер екінші «Harverd Dropout» жинағын жарыққа шығарды. Туындының тұсауы кесілгені сол-ақ, Биллбордтың тізімінен табылып отыр. Еске салсақ, Lil Pump заманауи музыка сүйер қауым арасында, «Gucci Gang» трегімен кең танылған еді.