«DC Comics» студиясы мен режиссер Дэвид Сандберг, тағы бір күш-қуаты тасыған батыр кейіпкер «Шазам!» жайында лента ұсынды. Туынды «Капитан Марвелдің» өзіне бәсекелес атанбақ.

«DC» компаниясының суперқаһармандар жайлы жетінші туындысы – 3000 жыл ғұмыр кешкен сиқыршымен кездесетін, 14-жастағы Билли есімді балақайдың хикаясын баяндайды. Ол құдіретті «Шазам» сөзін айтып, батыр ержігітке айналу мүмкіндігіне ие болмақ.

Алайда алып күш Биллидің, жас балаша ойлау қабілетіне әсер етпейді. Бозбала суперқаһарманның образында жүрсе де, жасөспірім қылықтарынан арылмаған.

Шытырман мен комедияға толы фантастикалық картинада басты рөлді – Закари Ливай сомдаған. Актердің фильмдегі әр костюмы 1 млн долларға бағаланады. Бұл кейіпкердің образдарын тігу үшін 16 апта уақыт жұмсалған екен.

«Шазам» картинасында Бэтмен, Супермэн сынды кейіпкерлерді кездестіруге болады. Туындының сценарийін жазған Чарльз Кларенс Бек идеяны, түпнұсқа «Капитан Марвелдің» желісінен алған. Көрерменнің 90%\пайызы асыға тосқан фантастикалық блокбастер, сәуір айының 4-нен бастап үлкен экрандарға жол тартпақ.