Рианна болса экс-сүйіктісімен қайта қосылды. Әнші, араб миллиардері Хассан Джамилге, тағы бір мүмкіндік сыйлауды жөн көрген.

Рианна 2017 жылдан бері араб кәсіпкері Хассан Джамильмен көңіл жарастырып келеді. Әнші қыз бен миллардер – талай мәрте айрылысып, қайта татуласты. Екеуінің арасына шоқ болып түскен қызғаныш еді. Енді Рири бар түсініспеушілікті кейінге ысырып, сүйіктісімен бірге болу үшін тіл табысқанын мәлімдеді.

Британдық «Clean Bandit» тобы тыңдармандарына тың туынды ұсынды. Электронды музыканы дәріптейтін ұжым, кезекті әндерін аналардың құрметіне арнаған. «Mama» трегін Элли Голдингпен бірлесе шырқайтын музыканттар, бұл туындыға түсірілген бейнебаянның да режиссерлық тізгінін өз қолдарына алды.

Райан Рейнольдс «Детектив Пикачу» фильмін жарнамалау мақсатында сұхбат беріп, үйінің төрінде жұбайы Блейк Лайвлимен бірге лента туралы пікірімен бөлісті.

Райан Рейнольдс, актер:

-«Пикачуды» дыбыстау үшін бір жыл дайындалдым. Ол туралы бұрын соңды түрлі анимациялық туындылар көрсетілсе де, біз жасап жатқан фильм мүлдем ерекше болмақ. Күтіңіздер!