Селена Гоместі, жақын арада «iTunes» чартынан көре алмайтын секілдіміз. Әнші бүгінде өзінің жеке өмірі мен денсаулығына көңіл бөлуде. Жағажайда демалып жүрген ару, тыңдармандарын қашан қуантпақ?

Шығармашылықтан біраз тынығуды жөн көрген Селена Гомес, жағажайдағы демалысы жайлы фолловерлеріне есеп беріп жүр. Соңғы кездері түрлі емнің әсерінен бикештің, дене бітімі өзгерсе керек. Бірнеше келі артық салмақ қосқан ару, табынушыларына жақпай қалған. Дегенмен, қазіргі таңда Селена үшін басты мақсат – мінсіз мүсін емес, сахнаға қайта оралу.

Кристиан Бейл, осындан 10 жыл бұрын ренжіскен анасымен татуласты. Арадағы түсініспеушілікке, ене мен келіннің дауы себеп болған. Бейлдің жұбайынына сөз тигізген анасы, баласынан кешірім сұраған көрінеді.

Роберт Паттинсон «Бэтменнің» рөліне ұсынылды. «Сумерки» фильмінің жұлдызын, «Warner Bros» студиясы қара киімді қаһарманның образында байқап көрмек. Роберт сынды жас актерды, режиссер Мэтт Ривздің өзі аттай қалап алған екен. Паттинсон болса, бұл мүмкіндікті мүлт жібермеспін деп құлшынып отыр.

Сиара тыңдармандарына су жаңа туынды ұсынды. Әнші «Greatest Love» трегіне арнап бейнебаян таспалаған. Бұл әуен – өнерпаздың жуырда жарық көретін үнтаспасына енбек. Клиптің сюжетін тек өзіне арнаған ару, түрлі образымен көрерменді таңқалдырмақ болған сыйңайлы.