Анжделина Джоли мен Бред Питт енді бірге жұмыс жасамақ. Экс-ғашықтар шарап өндіру зауытын ашуға кіріскен. Бірнеше жылдан бері араздасып келе жатқан жұлдыздардың мұндай шешімге келуіне не себеп?
Джоли мен Питттің 2 жылға созылған ажырасу процессі, бірнеше ай бұрын ресми түрде аяқталған еді. Қос актер ортақ балаларын да заң шешімімен кезектесе бағуға келісті. Енді балдырғандарының келешегі үшін ортақ бизнес ашқан жұлдыздар, шарап шығармақ. Бұл кәсіптен түскен қаражат, Джоли мен Питтің ұл-қыздарының есепшотына аударылып отырады.
***
Ариане Гранденің экс-күйеужігіті – Пит Дэвидсон, өзге арумен көңіл қосқан көрінеді. Тележүргізуші өзінен 20 жас үлкен британдық актриса Кейт Бекинсейлмен папарации көзіне түскен. Питттің Арианемен айрылысқанына бірнеше ай болса, Кейттің 10 жылдық қарым-қатынастан кейін жұбайымен ажырасқанына 2 жыл толады.
***
Бен Аффлек әйгілі «Бэтменнің» рөлімен ресми түрде қош айтысты.«Warner Bros» киностудиясы – қара киімді суперқаһарманды Бен енді сомдамайтынын мәлімдеді. Аффлектің соңғы кездегі ішімдікке құмарлығы, аталмыш компанияның актермен келісімшартын үзуіне септік болыпты. Фантастикалық туындының авторлары, енді танымал батыр кейіпкердің образына басқа үміткерді іздеуге кіріскен.
