Әлемге танылған әнші Рианна да тыңдармандарын қуантпақ. Талантты ару 4 жылдық үзілістен кейін су жаңа үнтаспасын ұсынуға дайын.

Риридің соңғы, 2016 жылы жарық көрген «ANTI» деп аталатын үнтаспасы - «Грэмми» марапатының бірнеше жүлдесін иеленген еді. Әнші қыз сол уақыттан бері, бірнеше трек жазып, жалғыз бейнебаян таспалаған болатын. Рианна уақыт тапшылығының себебін, әншілікпен қатар, сән әлемінде де жүруімен түсіндірді. Енді міне жаңа альбомын ұсынуға ниетті.

R’n’B жанрында ән шырқайтын тағы бір әнші Бейонсе де, 2019 жылы тыңдармандарына су жаңа әнжинағын таныстырады. Джей Зидің жұбайы өз туындыларын жинақтап, «Netflix» компаниясының онлайн-жүйесі арқылы көпшілікке тарту етпек ниетте. Бұл Бейонсенің шығармашылығындағы сегізінші үнтаспа болмақ.

Ал рэп орындаушы Карди Би, өзінің алғашқы «Invasion of Privacy атты альбомымен «Apple Music»-тен 100 млн тыңдалым жинап, тіпті Тейлор Свифтің алдын орап кеткен еді. Карди Би, сол жетістігін дәл осы жылы да қайталасам дейді. Талантты арудың тректері жинақталған альбомы жаз маусымында жарық көрмек.