Дәл осы картинаның алғашқы көрермендерін «сиқырлы қаламның» сыры еліткен секілді. Тұсаукесерге келген танымалдар мұндай мүмкіндікке ие болса, бірден армандарын орындауға асық. Сонымен, кімнің қандай тілегі бар?

Иә, адамда арман таусылған ба..? Ойда-жоқта сиқырлы қалам қолына түссе, отандық шоу-бизнестегі бикештердің басым бөлігі – ел демографиясына үлес қосуды құп көретін секілді.

Салтанат Бақаева, әнші, актриса:

-Ааа, жан қалай ойлайсың?

-Қыз ғой бізге арман!

- Аааа, иә мүмкін. Иә, әрине Алла қаласа қызды болсақ, біз шексіз бақытты боламыз онда.

Аша Матай, әнші:

-Қазіргі таңда Асылым есімді балапаным бар. Асылымнан басқа тағы жеті балам болса екен деп армандаймын.

Инстаграм жұлдызы – Анар Батырханның арманы тым бөлек. Басы бос бикешке қалтасы қалыңдап, жанкүйерлерінің саны еселене түссе жеткілікті секілді.

Анар Батырхан, актриса:

-Көөөөөп ақша. Сосын жүз миллион подписчик. (күледі)

Тәуекел Мүсілімде оқырмандар да, атақ та, бизнес те бар. Сиқырлы қалам қолына тисе, сері жігіт қайырымдылыққа көңіл бөлуді қалайды.

Тәуекел Мүсілім, актер:

-Мұқтаж адамдарға көмектесіп, барынша елдің хал-ахуалын көтеру үшін септігімді тигізетін едім.

Ал, шаршы алаңда атой салып жүрген Жанқош Тұраровтың жалғыз тілегі – жаһан жұртының спортқа деген құштарлығын ояту.

Жанқош Тұраров, кәсіпқой боксшы:

-Бүкіл әлем салауатты өмір салтымен өмір сүріп, спортпен шұғылданса. Бүкіл жас балалар спортпен айналысып, батыр болса деген ой.