Ерекше құрметке ие болған Снуп Дог соңғы кездері тың тректерімен қуантуды қойған еді. Рэпер шығармашылық үзілісте жүргенде, Биллборд чартының үздіктері арасында өзара бәсекелестік қызуда! Тіпті, олардың арасында «The Beatles» пен «Queen» ұжымы бар көрінеді.

Америкалық кантри орындаушы – Кейн Браунның су жаңа жинағын жанкүйерлері таласа сатып алуда! Биллборд пайымымен ең табысты атанған «Experiment» альбомы, әншінің авторлық 12 трегінен тұрады. Өнер иесі бұған дейін талай кантри-чарттарда көш бастаса да, аталмыш тізімге алғаш рет ілінді.

Рэп орындаушы Триппи Рэддтің «A Love Letter to You 3» альбомы мен

Imagine Dragons рок ұжымының, жуырда ғана жарық көрген «Origins» туындысы да сатылымы жағынан рекорд орнатуда!

Жалынды жастардың арасынан, майталман музыканттар «The Beatles» та табылды! Аңызға айналған ұжым әйгілі «The White Album» әнжинағының 50-жылдығына орай, ондағы ескі тректерін қайтадан жазып, тыңдарман қауымға ұсынған еді. Кезінде үлкен сұрансықа ие болған туындылар, бүгінде де өз құнын жоғалтпақ емес.

Биллбордтың табыстылар тізімінде саундтрекке де орын бар! Леди Гага мен Бредли Купердің «Жұлдыз дүниеге келді» картинасының әсем әуендері мен Фреди Мерькюри туралы «Queen» картинасын көркемдеген әндер де көптің көңілінен шығуда!