Америкалық танымал кинорежиссер - Стив Маккуин, шығармашылығындағы соңғы туындысын ұсынды. «Жесірлер» атты картинасының тұсауын кескен киногер, енді не себепті фильм таспалаудан бас тартып отыр?

Британдық режиссер Стив Маккуиннің кино әлемінде жеткен жетстігі аз емес. Танымал киногер «Оскар» марапатымен қоса, «Канн» және «Венеция» кинофестивалінің жүлдегері атанған. Енді отбасына көңіл бөлуді қалаған режиссер, мансабындағы «Жесірлер» атты соңғы туындысын ұсынды.

Драма мен триллерге толы фильмде, қарақшылардың бастан кешкен оқиғасы суреттелген. Кезекті қылмысты әрекет барысында олар түгелдей көз жұмып, сүйіктілері - жесір атанады. Жалғыз қалған әйелдер сол сәттен бастап, күйеулері бастаған істі аяқтауға бел буады.

Стив Маккуин, режиссер:

- Мен қоғамда болатын оқиғалардың бір ғана бөлшегін көрсеттім. Қазіргі заманда, фильмдегі ойдан құралған хикаяның өзінде, бір шындық жататыны белгілі.

Виола Дэвис, Лиам Нисон, Мишель Родригес, Колин Фаррелл сынды актерлық құрамды жинаған Маккуиннің туындысы, 1983 жылғы британдық телехикаяның негізінде таспаланған.

Мишель Родригес, актриса:

-Стивтің туындысына мен көрерменнің көзқарасы арқылы қарадым. Әр адам өзінше бағалауы мүмкін. Бұл хикаядағы жақын адамы үшін өзін құрбандыққа шалуға да бел буатын жандарды, түсінсе екен деймін.

Жесір атанған нәзік жандылар, жұбайларын орға түсірген дұшпаннан өш алу үшін, заңбұзушылыққа да барудан тайынбайды. Шытырманға толы драма, 22-қарашадан бастап үлкен экрандарға жол тартады.