Табиғи апаттардың жиілеуі жер шарының бүкіл тіршілігіне қауіп төндіpуде. Енді, зардабы зор опатты жағдайлардан құтылу үшін, әлемнің әр елі бірігіп арнайы құрылғы ойлап табуда. Уaйымдамаңыз! Менің айтып отырғаным шынайы өмірдегі жағдай емес, тек фильм сюжетінің  желісі.

Лос-Анджелесте табиғат құбылыстарының өзгеруін және ғаламдық жылыну оқиғасын негізге алып таспаланған «Геошторм» картинасының тұсауы кесілді. 

Картинаның премьерасына, басты кейіпкерді сомдаған Джерард Батлер де қатысты. Бұл, актердың фантастика жанрындағы ең алғашқы, әрі жауапты рөлдерінің бірі болып саналады.

Джерард Батлер, актер:

-Картина тек алапат апат жайында ғана емес. Мүмкін ол туралы алғашқы 5 минутта көрсетілер, ал әрі қарай көрермен шиеленіскен оқиғалардың куәсі болмақ. Фильмде монтаж жұмыстары үлкен шеберлікпен жасалған.