2025 жылы «НТК» арнасының телемаусымы эксклюзивке толы!

Жол полиция қызметкерлерінің шытырман оқиғалары телеэкранға жуырда қайта оралмақ. Атышулы «Патруль» туындысының 7 маусымы жарық көреді. Аталмыш туындыдағы оқиға шиеленісі – сізді түрлі күйге бөлейді. Бұл жолы түсірілім Семей қаласында өтті.

Әділжан Шомбалов, актер

– Бұл жерде бізде Қазақстан полициясындағы мәселелері, халық біле білмейтін астары жағы анық көрсетіліп жатыр.

Еділ Анарбай, актер:

– «Патруль» ең негізі Қазақстанның жекеменшік өзінен шыққан жобасы деп айтуға болады ғой, иә? Өзіміздің жобамыз. Бұл «Патруль» маған не берді? Танымалдылық берді. Біріншіден иә. «НТК» каналына, әрине рахмет.

Сериал жаңа оқиғалармен толығып сүйікті көрерменімен қауышуға әзір. Бұл соңы емес. 2025-те «Патрульге» 10 жыл. Мерейтой қарсаңында хикая желісі толықметрлі фильмге ұласады. Сіздер үшін спойлер болсын, «ЧБД» жұлдызы, комик Тамби Масаев та актерлық ойынымен қуантады!

Сонымен қатар, биылғы телемаусымда көпшіліктің көңілінен шығып, YouTube-те миллиондаған қаралым жинаған «Шыда» және «Мошенники» телехикаяларының жалғасы таспаланып, 2025-ші жылы 2 маусымы жарық

көреді.

Revue news ұжымы демалыстан келгенше, жаңа жылдық ностальгияға толы фильмдер топтамасын назарларыңызға ұсынамыз! Дәлірек айтсақ, «Я – легенда», «Мистер и Миссис Смит», «Джуманджи: Зов джунглей», «Люди в черном: интернэшнл», «Аквамен» картиналарын тамашалай аласыздар.

Ал ең кішкентай көрерменін НТК «Шрэк навсегда», «Босс-молокосос»,

«Соник в кино 2» және «Лига монстров» секілді мультфильмдермен қуантпақ.

Сондай-ақ, «Бір болайық» бағдарламасының Жаңа жылдық эфирін жіберіп алмаңыз. Жылдың үздік жұбы анықталып, түрлі жұлдызды қонақтар өнер көрсетеді. Бір сөзбен айтқанда, қызықтың бәрі алда. Мереке күндері НТК арнасынан алыстамаңыздар!