Sadraddin феномен! Бейнеклиптері YouTube платформасында 60 миллионнан астам қаралым жинап, әрбір трегі сөзсіз хитке айналатын Садр үшін бұл күн мәңгілікке есте қалды. Небәрі 21 жасында стадионды лық толтырған таланттың өнерін тамашалауға тыңдарман жер шарының түкпір-түкпірінен жиналған.
– Қытайдан келгенбіз,
– Арнайы Алматы қаласына келдім суретімді салып. Тараздан.
Sadraddin, әнші:
– Мен өзімнің жеке концертімде алғаш рет көруім 30 мың адамды осылай көрген кездегі мен ол видеодан да көрінген деп ойлаймын. Мен шок деген сол сияқты менімше.
Бар болғаны 17 тәулікте концертке толықтай солд-аут жарияланды. Садрға мотивация беріп, қолдау білдірген ұйымдастырушылардың бірі – NNN. Нұрдәулет Бектұрсынның есімі тіпті демеушілердің қатарында бар.
Nicole Scherzinger-дің де жеке концертімен Қазақстандық тыңдароманын қуантты. R&B жанрының патшайымының қоржынында «Грэмми» жүлдесі бар екенін атап өткен жөн. Арада жылдар өтсе де тартымдылығын жоғалтпаған сылқым бүгінге дейін трендте.
Мәдина Сәдуақасова, Қазақстанның еңбек сіңірген қайраткері,әнші:
– Мен 79 жыл және Nicole. Сондықтан бүгін құрдасымның кеші. Шынымды айтсам қатты таңқалып жатырмын, сенде Николь Шерзингердің фанатсың ба?
Аренаны Nicole кейін Мустафа Сандал толтырды. Өнерпаз түрік елінің ерекше вайбын сезіндірді. Сонымен қатар бұл кеште Садраддин мен қырғызстандық Jax та өнер көрсетті.
– Мұстафаны неше жасыңыздан бастап тыңдайсыз?
Сабина Алтынбекова, волейболшы:
– Бала кезден деп айтсам болатын шығар. Барлық танымал тректерін жатқа білемін. Әсіресе «Исянкар» әні қатты ұнайды.
Ал лирик әндердің хитмэні Мот болса елімізде бірден 3 концерт берді. ТМД-ға танымал рэпер Астана мен Ақтөбеде кешін өткізіп, гастрольдік сапардың нүктесін Алматыда қойды.
12 мың тыңдарман жиналған концертте музыканттың ұйымдастырушыларға қойған талабы аз болмаған-ды. Сапалы техникадан бөлек өнер иесінің райдерінде – дұрыс тамақтану болған көрінеді.
Андрей Верещага, ұйымдастырушы:
– Бір сұрағаны дұрыс тамақтанғысы келетінін айтты. Мысалы, протейні бар батон, витамин қосылған салат деген сияқты.
Елімізге ат басын тіреген келесі артистті REVUE NEWS ұжымы әуежайдан да күтіп алып, эксклюзивті сұхбат алған еді. Ол танымал американдық әнші - Джейсон Деруло. Мега жұлдыз қазақтың қонақжайлылығына тәнті болғанын жасырмады.
Джейсон Деруло, әнші:
– Өте әдемі шапан, қуаныштымын. Шынымды айтсам, ең әуелі қазақтың ұлттық тағамдарын жеп көргім келеді. Одан бөлек, әрине жанкүйерлеріммен жүздесуге асықпын.
Джахид Гусейнли a.k.a Jony. Хит тректер және ұмытылмас эмоция! Әрбір тректі тыңдарман әртіспен қосыла шырқады. Қонақтар тізімінде отандық жұлдыздар да төбе көрсетті.
Тұрар Ыдырыс, әнші:
– Баяғыда әнші болмай тұрып, 2019-да мен күтіп алуға барғам бұларды. Сол кезде айтқан маған: брат, пой на русском пожалуйста,-деп. Мен айтқам орысша сөйлей алмаймын деп. Сондықтан құрдас қой, құрдас.
ТМД-ға танымал HammAli мен Navai дуэті де елімізде кезекті ән кешін өткізді. Бұл жолы ресейлік дуэт стадион жинай алмаса да, концерттің нәзік жандылар үшін есте қалғаны сөзсіз. Себебі:
HammAli & Navai:
– Қыздар біздің әндердіміздің мән-мағынасын түсінеді. Біз нәзік жандылардың өздерін қадірлеуді, бағалауды насихаттаймыз. Аруларға ән арқылы мотивация береміз.
Ағымдағы жылдың шаралары өзіндік ерекшеліктерімен, форматымен есте қалды. Біршама әлемдік жұлдыздар елімізге өнер көрсетсе де, рекордты отандық өнерпаз орнатты. Sadraddin -нің кеші 2024 жылдың үздік концерті болуға әбден лайық!
