Мадина Дәулетқызы, @makeshi_

Дәстүрден таймастан алматылықтар Пикник бай партнерсте жиналып жатыр! Оупен эйрде бұл жолы аты аңызға айналған Quest Pistols тобының өзі хэдлайнер болмақ. Ал шоу-биз өкілдері арасынан мұнда кімдер бар? Бірге көрейік.

Жасыл желек, ашық аспан, көңілді музыка мен ерекше ойын-сауық бағдараламасы! Пикник by Partners-тің дәл осындай ерекше атмосфера сыйлап келе жатқанына 10-жыл. Вайбы бөлек шара соңғы кездері Алматы ғана емес, Астана, Ақтау және Шымкент қалаларында да ұйымдастырылып жүр.

Мәди Рымбаев, әнші:

– Мәди, көңіл-күйіңіз қалай? Жалпы атмосфера ұнап жатыр ма?

– Иә, бәрі керемет. Суық болмаса тек. Жыл сайын келем. Осымен үшінші ме, төртінші ме рет келіп тұрмын.

– Ал өзіңізде шығармашылығыңызда қандай жаңалықтар болып жатыр. Бөлісе кетсеңіз?

– Менде трек шықты. Тректің аты «Сұлу айдан». Өте жылы, махаббатқа толы ән.

ШВ: Пикник кадры

Шығармашылықтағы қызу жұмыстарына қарамастан, бәрін ысырып фестивалге қонақ болғанның бірі – bip.house-тық Диас Алпысбаев. Еске салсақ, блогер Оңтүстік Кореядан келген.

Диас Алпысбаев, блогер, «bip.house» ұжымының мүшесі:

- Оңтүстік Кореның туризм басқармасы мені блогер ретінде арнайы шақырған болатын. Болашақта жаңа жобалар жасалады. Күз келіп, қызу жұмыс басталды. Айтпақшы сериалға түсемін, жаңа тректер дайындап жатырмын.

Оупен-эйрге бұл күні 20 мыңнан аса халық жиналды. Тіпті, ауа-райының салқындығы да келушілерге кедергі болмады. Шара меймандарының арасынан Ержан Мұқатаевты да байқап қалдық.

Көңіл-күй қалай? Кіммен жүрсін мұнда? Жұмыс қайда?

Ержан Мұқатаев, тележүргізуші, актер, блогер:

– Сәлем, сәлем, сәлем НТК! Біз Пикник by Partners-те жүрміз, достарыммен келдім. Олар адасып жүр мына жерде, пловқа чередьте тұр. Сол Quest Pistols күтіп тұрмыз плов жеп. Әр әндерін білемін, фанатымын. Қазір тыңдап, билеп, билейміз бұйыртса.

Көп ұзамай, шараның хэдлайнерлері - Украиналық Quest Pistols тобы

де сахнаға шықты.

Әйгілі ұжым 2000 -2010 жылдары хит болған тректерін шырқап, тыңдарманға әндерімен өткен шаққа оралуға мүмкіндік сыйлады.