Қазақстанда алғаш рет әлеуметтік желілердегі ақпаратты реттейтін заң қабылданды. Ол 10 шілде күні шығып, 9 қыркүйек күшіне енген еді. Онда блогерлер: жалған ақпарат таратпауы, ұлтараздықты тудыратын, саяси мәселелерді көтермеуі керек. Қала берді, жарнама жасау үшін жеке кәсіпкер ретінде тіркеліп, салық төлеуге міндеттеледі. Заңның маңызды жаңалықтарының бірі – онлайн-платформалардың интерфейсін қазақ тіліне аудару. Дакенти: «Мемлекеттік тіл мәртебесі үшін бұрыннан еңбек етіп келеміз»,-дейді.

– Бұл заңға қатысты не айтасың?

Дамир Бейсенбаев, блогер:

– Блогерлерге не заң шықпай жатыр қазір? Біз бұрыннан қазақ тілін қолдау үшін, қазақ тілін өсіру үшін біз қазақ блогерлері болып шықтық қой.

Заңнамадағы тағы бір пункт – әр жарнамадан мемлекетке салық төлеу және жеке кәсіпкер ретінде тіркелу. Мысалы, блогер Баха Пупер бұл ереже шықпай жатып-ақ, салығын өтеп жүрген. Себебі есепшілері: «Өзіңе керек болады. Қисабыңды жасап жүр»,-деп ескерткен.

Baha Puper, блогер:

– Негізі дұрыс деп ойлаймын. Мысалыға налог төлеу керек деген сияқты нәрсе ғой. Каждый рекламаға ответственный. Ол дұрыс. Мен өзім бір 5 жылдай шығар именно как блогер ретінде мен налог төлеймін.

- Жылына қанша төлейсің?

- Жылына енді мен білмеймін, бухгалтерлар өздері... Бухгалтерларым бар. Өздері істейді.

Ал Асқар Оразбаев жақында күшіне енген заңға қарсылық білдіріп жатқан әріптестерімен келіспейді. Мемлекет бізге ненің жақсы екенін біледі,-дейді. Бірақ Асқардың өзі әлі жарнамаға байланысты салық төлеп көрмеген.

Асқар Оразбаев, блогер:

– Заң барлығына ортақ. Значит заң қабылданды ма, соған бағынуымыз керек. Заңға бағынған құл болмайды деп...

- Налог төлейсің ба?

- Налог иншаАлла төлейін деп тұрмыз ғой...

- Төлемейсің?

– Блогер ретінде налог төленген жоқ әлі. Өйткені реклама алмаймын мен.

Ал тиктокерлер ереже бұзбайтынын айтады. Мысалы Сикстирич лақап атымен танымал – Диас Алпысбаев ешқандай ережеден жалтарып көрмепті.

Диас Алпысбаев, тиктокер:

– Біз уже давным давно налог төлейміз. Кәдімгідей ИП-мен. НДС бәрін кәдімгідей төлейміз.

Анель Кенжебекова да тәртіпті блогерлер тізімінде. Салықты уақытылы төлеп отырады екен. Бірақ айына мемлекетке неше мың құятынын айтқысы келмеді.

Анель Кенжебекова, блогер:

– Иә, өзім налог төлеймін. Негізі дұрыс жасады. Болды, басқа ешқалай комментировать етпей-ақ қояйын бұны. Негізі дұрыс.

- Жылына қанша налог төлейсің немесе айына?

- Негізі ол рекламаға байланысты. Қанша реклама түседі деген сияқты ғой.

– Тамызда қанша төледің?

- Айтпай-ақ қояйын олай.