Гүлдана Мұқан, тілші:

- Санаулы сәттен кейін кейін Алматыдағы мына 5000 адамдық спорт кешені Мирас Жүгінісовтың фанаттарына лық толмақ! Себебі, әншінің жеке ән кешіне арналған билеттері бір аптада-ақ саталып кеткен. Ендеше, сахна сыртына барып, Мирастың дайындығын көрейік.

Еске салсақ, бүгін Мирас Жүгінісовтың алғашқы концерті. Арнайы live band-пен жанды дауыста өткен кешке 7000-нан астам халық жиналды. Бір жыл бойы тыңбай еңбек етіп, бұл күнді асыға күткен Мирас спорт кешенін лық толтырамын деп ойламаған.

- Алғашқы концертіңмен құттықтаймын! Көптеген әншілер үшін концерт беру экзаменмен тең, экзамен қалай өтіп жатыр?

Мирас Жүгінісов, әнші:

- Бұл мен үшін Марго екеуіміздің жылдық отчетымыз сияқты. Сондықтан да, бірінші жұмысымызды көрді, енді сол почти бір жылдың ішінде жасаған жұмысымыз, бүгін осы 7000 адамның, халықтың алдында қалай болғанын көреміз.

- Бүгін айтылмаған, шықпаған менің екі әнім бар, біреуі ана жайында, екіншісі орысша ән «Сон» дейтін.

- Әрбір трегің хит атанатыны сөзсіз, бір құпияң бар ма өзіңнің?

- Жүректен шыққан ән, өзіңнің еңбектенген әнің, по-любому хит болады деп ойлаймын.

Атмосфераға толы кештің жүргізушілері - блогер Жансерік Қадырбаев пен КВН-шы Аңсаған Садирханов. Одан өзге, концертте Argonya, Mona Songz, Райм және 2Rar сынды танымал әншілер өнер көрсетті. Бір қызығы Мирастың әріптестерінің ешқайсысы еңбегі үшін гонорар сұрамаған.

Жансерік Қадырбаев, блогер:

- 8000 мыңға жуық адам болады, енді жауапкершілік бізде, тізгін бізде концерттің, жүргізу мен үшін үлкен мәртебе.

- Спорт кешенінде роднойлар бар ма?

- Әрине

- Қанша процент?

- 100 пайыз роднойлар ғой.

- Мирас саған «концертімді жүргізіп бер» деген кезде гонорар талап еттің бе?

- Енді продюсер өзімнің досым ғой, Марго ол айтты, келісеміз, жаңағы береміз деп, мен айттым: «мен достарымнан ешқандай да ақша алмаймын» деп.

Гүлдана Мұқан, тілші:

- Мирас Жүгінісовтың командасы концертке қатты дайындалған-ды. Сахнаға үлкен лэд экран орнатылса, ал келген қонақтарға арнайы фотокол тұрғызылған. Декорацияға қанша жұмсалды, мұндай креативті идея кімге тиесілі? Барлығын Жүгінісовтың продюсері Әден Марғұланнан сұрап білдік.

Әден Марғұлан, блогер, продюсер:

- Әр түрлі фишкалар қолданған болатынбыз, сол фишканың бәрі ойдағыдай жүзеге асты. Ризамын.

- Мен мына жерде Балуан Шолақта Джони концерт бергенін білемін, сол кезде полный болған, сол кезде Мирасқа видеосын көрсетем де, Мирас та шок болған: «йооо, Джони осындай істеген бе?» деп. Қазір қарадым да, толып тұр да, көп адам болғанына қатты қуаныштымын.

- Мирастың інісі үйленді, сіздің қарындасыңыз ұзатылды, бәріне қалай үлгердіңіз?

- Сол Мирас екеуіміздің ата-анамыз, давай осылай істейік деп, бір күнге бәрін қойып қойған ғой. Бірінші концертке алып келіп, но үлгердік, жолға туда-сюда шауып жүріп.

- Мирасты ТМД-ға шығару жоспарда бар ма?

- Құдай қаласа.

- Концертке қанша шығындалдыңыз ?

- 15-20 миллион арасы ғой.

- Ақталды ма сол?

- Әрине.

- Мирастың райдері бар ма?

- Vip-та отыру керек самолетта, мынандай 5 жұлдызды қонақ үйде болу керек, екі бір двухсоткамен күтіп алу керек дейтін ондай райдер жоқ. Обязательно жанды дауыспен, жанды дауыс болмаса Мирас ән айтпайды.

- Өнердегі достар Мирас пен Тұрар бірнеше күн бұрын ғана коллаборация орнатқан еді. «Ойлай берем» трегі ютубта миллионнан астам қаралым жинап үлгерді, дэут қалай пайда болды оның барлығын Тұрадан сұрап білетін боламыз.

- Дуэт құру кімнің идеясы?

2Rar, әнші:

- Концертті объявить еткен кезде осы концертті, Мирастар келді, дуэт жазайық деді.

- «Ойлай берем» трегінің әнін де, сөзін де сен жазыпсың, кейіпкері бар ма?

- Егер де, біреуді ойлап тұрсаңыздар осыған арнаған шығар деп, жоқ оған арналмаған.

Мирас Жүгінісовтың ән кеші келген тыңдарманға ерекше вайб сыйлағаны сөзсіз. Еске салсақ, өнерпаздың «Әндетемін» трегі айтюнс чартына енген алғашқы қазақша композиция атанып, ютубта 10 млн-ға жуық қаралым жинаған еді. 3 жыл бұрын жарық көрген туынды Жүгінісовтың бағын ашқаны сөзсіз.

Гүлдана Мұқан, тілші:

- Байқағандарыңыздай, тыңдарман Мирастың әрбір трегін жатқа біледі. Бұл музыкант үшін үлкен жетістік. Жүгінісов мұнымен тоқтамақ емес, әнші алдағы уақытта Қазақстан бойынша арнайы турне жасап, жаңа хиттерімен қуантатын болады.