«Kids 'Choice Awards» марапаты осымен 34-ші мәрте ұйымдастырлып отыр! Қызықты шара көрерменнің дауыс беруі арқылы шоу-бизнестің үздіктерін анықтайды.
Сайыстың шарты бойынша жеңімпазға жасыл түсті сұйықтық шашады. Биыл көптен күткен ауқымды кеш карантинге байланысты концерттік бағдарламаны алдын-ала әзірлеп қойған. Десе де, жұлдыздарға мүсіншелерді табыстау оффлайн форматта өтті.
«Kids 'Choice Awards» пайымымен «Үздік әнші» атану Джастин Биберге бұйырды. Поп-орындаушының өзі кеште төбе көрсетпесе де, орнына жары Хейли Биберді жіберген екен. Есесіне, Джастин тыңдармандары үшін алдын-ала муызкалық қойылым әзірлеп қойған.
Хейли Бибер, сәнбике:
- Қатты қобалжып келдім. Бірақ маған сенім артылғаннан кейін мен күйеуімді ұятқа қалдырмауым керек. Оның жеңісі үшін мен күллі фанаттарға алғыс айтамын.
Танымал премияның триумфаторы «ВТS» ұжымы! Әйгілі корейлік бойзбенд 3 бірдей номинация бойынша жеңіске жетті. Оның ішінде «Сүйікті музыкалық топ» аталымы да бар. Сондай-ақ, Ариане Гранде сүйікті әнші ретінде 2 мәрте үздік атанса, жас актриса Милли Боби Браун да қатарынан қос жүлдені еншілеп қайтты.
«Үздік фильм» - Галь Гадот басты рөлді сомдайтын «Ғажап әйел 1984», «Үздік анимация» - «Жан» мультфильмі, ал Роберт Дауни-Кіші «Үздік актер» атанды.
Дәл осы «Nickelodeon Kids' Choice Awards» телевизиялық премиясының ресейлік нұсқасында отандық «Bip House» ұжымы жеңіске жетті. Көптің дауыс беруімен, тиктокерлер «Үздік блогерлер үйі» атанды. Еске салсақ, биыл олар «Kids 'Choice Awards» марапатына алғаш рет қатысып отыр.
