Скриптонит қазақстандық iTunes-те көш бастады! Рэпер бұл жолы 1998 жылдың хит әні «Любите девушек» трегін жаңаша нұсқада орындап, тыңдарманын таңқалтты. Жәлеловтың жанкүйерлері хип-хоп орындаушыдан мұндай бағыттағы композицияны күтпегені анық. Еске салсақ, туынды

«Therr Maitz» инди-ұжымымен бірлесе ұсынылған болатын.

Тағы бір кавер композиция iTunes-тың екінші орнына жайғасты! Colorit лақап атымен танылған Арыстан Әбілдинның Slava Marlow мен Morgenshtern-нің «Быстро» трегін жаңаша орындауы көпке ұнауда. Тіпті, тик-токта трендке айналған трек тыңдалымы жағынан түпнұсқаның өзін басып озуда.

Ал үздік үштікті Султан Лагучев қорытындылайды! Кавказдық орындаушының «Горький вкус» әні әуелі тиктокта, кейіннен әлеуметтік желіде таралған болатын. Тыңдарманның көңілінен шыққан трек бүгінде күллі ТМД-ға танылып үлгерді.