Jah Khalib күллі орындаушыларға шаң қаптырды! Нақтырақ айтсақ, музыканттың күні кеше жарық көрген алты әні де iTunes чартының көшін бастады. Әсіресе талғамы биік тыңдарман «Талисман» трегіне таңдау түсірген. Өнер иесінің өзі болса, әндерінің барлығы жеке өмірінен сыр шертетінін айтып, ағынан ақтарылған-ды.

iTunes көшінде тұрақтағандардың тағы бірі – Mona Songz. Шығармашылығына шыңдап кіріссе де, көптен бері көзге түсе алмай келген Манарбек, бір-ақ кавермен ТМД-ға таныламын деп ойламаса керек. Ол ұсынған Валерий Меладзенің «Салют, Вера» туныдысының жаңа нұсқасы сөзсіз хит. Трек тіпті Tik-Tok-та көз ілеспес жылдамдықпен таралуда.

Ал Мархаба Сәбидің атаулы чартқа енуі таңқаларлық жағдай! Әншінің «Қой, күрсінбе» атты авторлық туындысы көпке демеу болып, үміт отын жаққандай. Мотивациялық трек, iTunes-тың үздіктер көшін бастаған тарихтағы екінші қазақтілді шығарма.