Әділхан Ержановтың «Қап-қара адам» лентасының әлемдік премьерасы өткен жылы Сан-Себастьян кинофестивалінде өткен болатын. Ал Asia Pacific Screen Awards марапатында киногер дәл осы туындысы үшін «Үздік режиссер» атанған еді. Биыл картина Қазақстаннан бөлек, Францияда да прокатқа шығып, 60-қа жуық кинотеатрда көрермен назарына ұсынылды. Енді міне, лента «Алтын глобусқа» үміткер атанып отыр.

Назым Әбілдина жеке шығармашылығындағы жаңалықтарымен қуантуға кірісті. Экс-Кешьюлік әнші өзін жаңа бағытта сынап көрмек. Өнерпаз енді орыс тілінде ән шырқамақ. Әбілдинаның күні кеше тұсауы кесілген «Холодно» әні әзірге жастардың оң бағасына ие болуда.

Say Mо да Назымнан қалыспақ емес! Рэпер ТМД төңірегінде кеңінен танылған Пламли және Спотимен бірге дуэт ұсынды. «Мне не жаль» деп аталатын трекке түсірілген mood video Мөлдірдің тыңдарманына нағыз тосынсый болды. Аталмыш коллаб танымал ұжымның «Супер» деп аталатын жаңа альбомына енген.