«30 жасқа дейінгі ең табысты музыканттар» көшін бастаған Родди Риччтың биыл бағы жанды десек артық айтпаспыз. 22 жастағы өнерпаз бір жылдың ішінде дебюттық «Please Excuse Me for Being Antisocial» альбомымен 20 млн доллар пайда5а кенелген. Аталмыш жинақтағы тректер «Billboard» чартында топ жарса, тик-ток әлеуметтік желісінде де хитке айналған-ды.

Родди Ричтың әсіресе «The Box» туындысы әлі күнге дейін сұраныстағы әндер қатарында.

Ғаламтор арқылы жұлдыз атағандардың бірі Doja Cat! Америкалық жас әнші «Say So» композициясының арқасында табысты атанып, «Forbes» журналының «ең ауқаттылар» тізіміне енді. 25 жастағы рэпердің бұл трекке түсірілген бейнебаяны 247 млн қаралым жинаған-ды. Еске салсақ, Doja Cat -тың өзі 2018 жылы «Mooo» трегімен «youtube» видеохостингінде танылған еді.

2020-шы жыл Lil Baby үшін де еркше болып отыр. Хип-хоп орындаушының тыңдармандар арасында кеңінен танылып, қалтасының қалыңдауына «The Bigger Picture» трегі септігін тигізген. Бұл туынды полиция қолынан қаза болған Джордж Флойдқа арналған еді.

Сондай-ақ, «Forbes» басылымы америкалық кантри-музыкант Gabby Barrett пен рэпер ару Saweetie-ді де ерекше атап өткен-ді.