Жаһанды жаулаған жаман дертке байланысты жұлдыздар да жұмыла көмек беруге кірісіп кеткен. Мәселен, Криштиану Роналду өзінің Португалиядағы барлық қонақ үйлерін «коронавирусқа» шалдыққандарды уақытша емдей тұратын тұраққа айналдыратынын айтып сұқбат берді. Коронавируспен күресіп жатқандарға, дәрі-дәрмек пен керек-жарақты, қала берді медициналық қызметкерлердің ақысын қалтасынан шығаратынын да айтқан.

Голливудтық жұлдыз, Украинаның тумасы Ольга Куриленко коронавирус жұқтырып алғанын айтты! Актриса бұл суыт хабарды өзінің инстаграм әлеуметтік парақшасында жариялаған. Өз үйінде карантинге жабылған Ольга, әлсіздік дендеп, ыстығы сәт санап көтеріліп бара жатқанын да жеткізген. Естеріңізге сала кетейік, мансабын сәнбикеліктен бастаған Куриленконың бағы 2008 жылы жарық көрген «Париж, мен сені сүйемін» фильмінен кейін жанған болатын.

Ирина Шейк экс-күйеуін кешіргені рас па? Күні кеше сенбикені Бредли Купермен Нью-Йорк көшелерінде көргендер көп болыпты. Жұлдызды жұп қыздары Леяны ертіп, түскі ас ішкен. Бұған дейін еш жерде бірге көзге түспеген олар үшін, жанкүйерлері шын қуанып жатыр. Айырылысып кетсе де, әлеуметтік желіде бірін бірі өшіріп тастамаған экс-ғашықтардың жақын арада қайта қосылып қалулары да бек мүмкін секілді.