Димаш Құдайберген тағы да үздік! Бұл жолы қытайлық «Go, Go Squid» телехикаяның саундтрегі саналатын дарабоз әншінің «Couldn't Leavе» туындысы QQ Music платформасында топ жарды. Трек тыңдарман жүрегінен орын ала білгеніне риза болған Құдайберген, инстаграмдағы жеке парақшасында алғыс айтып, тағы да жаңа жобалармен қуантатынын жазған.

Әнші Диная мен композитор Ринат Гайсин болса, енді көпшіліктің сынынан қорықпақ емес. Желіге мынадай суреттер жариялап, қос өнерпаз елді елең еткізді. Жұп екендерін біраздан бері жасырып келген ғашықтар, бұдан-былай сезімдерін ашық білдіруге құлықты.

Ал жақында ғана ақ келін атанған актриса Динара Бақтыбаеваның салтанатты тойы дүркіреп өтті. Әсіресе, жары Арман екеуіне достары мен ет жақындары құттықтау тілектерін жолдаған видео елді сүйсіндірді. Алайда тойдан актрисаның әріптестерінен ешкімді байқай алмадық. Одан бөлек, Бақтыбаева тойын өткізе сала Түркияның Стамбул қаласына аттанған көрінеді.