Мэрайя Кери өзінің аты аңызға айналған «All I Want for Christmas Is You» әніне жаңа бейнебаян таспалап, тыңдарманын қуантты. Аталмыш әуеннің шыққанына ширек ғасыр өтсе де, танымалдылығын жоғалтпақ емес. Туынды тіпті «Биллборд» музыкалы чартының көшін бастауда.
Ал тректің 25 жылдығына орай, Ким Кардашьян, Крис Дженнер, Ариана Гранде, Сиара, Биби Рекса бастаған жұлдыздар құттықтау білдіріп, әншілердің қатысуымен арнайы бейнебаян таспаланған еді. Аталмыш әуен, бүгінгі таңда «Рождество» мерекесінің әнұранына айналған.
Мэрая Кери, әнші:
- Жаңа жыл сиқырға толы, сүйікті мерекем. Бала күнімде, анам ақша жоқ болса да бұл мейрамда барынша жақсы қылып өткізуге тырысатын. Ал, Жаңа жылға қатысты әндер шырқау мені бақытты етеді.
Кэти Перри де, Мэрая Керидің ізімен тыңдарманына мерекелік ән сыйлады. Оның су жаңа « Cozy Little Christmas» туындысы көпке ұнауда. Көңілді әнге арналып ашық-жарқын бейнебаян таспаланған еді.
Ал мерекелік, танымал туындының бірі - «Let It Snow» трегі. Ән сонау 1945 жылдың шілде айында жазылған. Содан бері оны түрлі өнерпаздар шырқап келеді. Алайда, Фрэнк Синатраның орындауындағы нұсқа ең үздік саналады.
Танымалдылығы шетелдік тректердей шарықтамаса да, мерекеге арналған төл туындылар да жетерлік. Мәселен, Мадина Сәдуақасованың «Жаңа жыл шамдары» әні көпке көтеріңкі көңіл-күй сыйлап келеді.
Өткен жылы «EQ» тобы «Youngsters»-тық балақайлармен бірлесе «Жаңа жыл» әнін ұсынған еді.
«EQ» тобы:
Құрметті қазақ елі, құрметті Қазақстан! Жаңа жыл құтты болсын!* Отбасымыз аман, деніміз сау, еліміз тыныш болсын! Бақытты болыңыздар!
