Хейли Болдуин соңғы кездері өмірінде орын алып жатқан жәйттерге қатысты БАҚ өкілдеріне күні кеше сұқбат берген. Сәнбикеге әңгіме барысында бірінші болып қойылатын сұрақтардың бірі оның Селенамен қарым-қатынасы жайында. Бұл сауал сұлуды әбден мезі етсе керек, Хейли бірден ашуға берілген және тілшінің сұрағына: «Өздерің тақыр жерден шаң шығарып, шу тауып аласыңдар. Менің Селенада аласым да, бересім де жоқ. Келесі сұрақ?» деп қысқа қайырған.

Осыдан бір апта бұрын Камила Морроне, ДиКаприо жанкүйерлерінің мезі еткенін айтып, сұқбат берген еді. Ал бірнеше күн бұрын актер, Майамидегі жұлдызды кештердің бірінде Джиджи және Белла Хадидпен көңіл көтеріп жүргені камера объективтеріне түсіп қалған. Бұған қарап фанаттар «жұлдызды жұптың қарым-қатынасына сызат түсті» деп топшылауда.

АҚШ-тық рэперлер ажалдың айтып келмейтінін айғақтап келеді. Күні кеше Juice WRLD лақап атымен танымал Джаред Хиггинс Калифорния әуежайында талмасы ұстап, ауруханаға жеткізілген. Кейін белгілі болғандай 21 жастағы рэп орындаушысы емханада жан тәслім еткен. Қазіргі уақытта өлімнің неден туындағаны анықталуда. Джаред «All Girls Are the Same» мен «Lucid Dreams» синглдарымен танылған болатын.