«МОШЕННИКИ» жеңіске жетті!
«МОШЕННИКИ» сериалы «ТҰМАР» Ұлттық телевизиялық байқауында «Жылдың үздік сериалы» номинациясы бойынша жеңіске жетті.
Сериал авторлары қоғамның ең күрделі мәселелерінің бірі – алаяқтықты, олардың өмір сүру салтын және адал азаматтардан ақша алудың түрлі қылмыстық схемаларын қозғады.
Фильм авторларының негізгі мақсаты – қоғамда адамдардың арбауға түсіп, алданып қалуының алдын алу болатын.
Өз кезегінде сериал қоғамдық резонанс тудырып, көрерменнің көңілінен шықты. Туындыда көтерілген мәселенің өзектілігін әлеуметтік желіде журналистер мен блогерлер де атап өтті. Тіпті сериал елімізде ғана емес, Қазақстаннан тыс мемлекеттерге де танылды. «Мошенники» жобасы арнаның «Кинопоиск» халықаралық интернет-сервисінде өз жобасын сатудың сәтті оқиғаларының бірі болды.
2023 жылдың қорытындысы бойынша «Кинопоиск» сайтындағы «Мошенники» сериалының рейтингі 8,0. Сериал 63 406 оң рейтингке ие болды. Сериал премьерасы 2023 жылдың қазан айында өтті. Бұл НТК мен B.A.S PRODUCTION компаниясының бірлескен жобасы.
Жобада қызмет атқарғандар:
Олжас Нұрбай, қоюшы режиссер, басты рөлдегі актер (Мақсат)
Ильхан Исхакбеков, сценарий авторы
Рүстем Омаров, продюсер, идея авторы, басты рөлдегі актер (Дамир)
Азамат Нигманов, актер (Фархат)
Фариза Ескермес, актриса (Диана)
Ақылхан Алмасов, актер (Берік)
Самал Нұрбаева, актриса (Мақпал)
Ілияс Жалбай, актер (Қайсар)
Ернар Себетов, актер (Дәулет)