Тим Кук, Apple компаниясының бас директоры:
- Бұл апта біз «Халқаралық Жер күнін» атап өттік. Мен Apple-дың қоршаған ортаны сақтаудағы бастамасын мақтан тұтам. Бүгінде компания ауадағы көміртек қалдықтарын мейлінше қысқартқан.
Apple-дың кезекті презентациясы жаңа девайсты таныстырудан емес, экология тақырыбынан басталды. Қоршаған ортаны қорғауға шақырған Тим Кук ең әуелі жаңа түсті Iphone 12-ні ұсынды.
Тим Кук, Apple компаниясының бас директоры:
- Көктемге арналған Айфонның жаңа түрін қабыл алыңыздар!
Бастапқыда бес түсте ұсынылған 12-ші iPhone-ның енді күлгін түрін де сатып ала аласыз! Су жаңа смартфон сәуірдің 30-нан бастап сатылымға шықпақ.
Алайда, кештің басты жаңалығы бұл ғана емес! Күллі әлемді көп күттірген AirTag та халық назарына ұсынылды. Еске салсақ, аталмыш деваисты кілт, әмиян, үй жануырына тағып қойып, жоғалған жағдайда оп-оңай тауып аласыз. Құрылғының құны 29 доллар, ал төртеуін алсаңыз 99 доллар.
Сондай-ақ, iMac пен IPad Pro-ның кезекті нұсқасының тұсауы кесілді! Қос девайс та енді Apple M1 процессорлары негізінде ұсынылады. Бұл дегеніміз құрылғылар бұрыңғыға қарағанда жылдамырақ әрі жақсырақ жұмыс істемек.
