Әлемге әйгілі «Billboard» музыкалық чартының үздік үштігінде The Weeknd

«Blinding Lights» трегімен жайғасты. Канадалық музыканттың дәл осы әні бір жыл бойы трендтте. 2019-шы жылдың қараша айында жарық көрген туынды әлі күнге дейін 30 мемлекеттің музыкалық чартында топ жаруда. Тіпті, The Weeknd бір емес бірнеше ай қатарынан «Billboard»-тың тізімінен түспеген тарихтағы алғашқы өнерпаз атанып отыр.

Арина Гранде су жаңа «Positions» әнімен екінші сатыда! Поп-орындаушының аталмыш трегі өзінің қазіргі ғашығы Далтон Гомеске арналып жазылған. «R&B» мен «трэп» жанрын тоғыстырған композиция тұсауы кесіле сала 7,5 млн рет тыңдалған. Ал тың туындыға арналған бейнебаян 2 айда 193 млн қаралым жинап үлгерді.

«Billboard» хит-парадында америкалық рэпер 24kGoldn көш бастап тұр. Голден Лэндис фон Джонс есімді музыканттың Iann Dior мен бірігіп орындаған «Mood» әні тыңдарманның көңілінен шыққан-ды. Бір қызығы, 20 жастағы қос рэпер шығармашылықтарын бір жыл бұрын ғана бастаған. Соған қарамастан, өнерпаздар бірден «Billboard» чартынан табылып отыр.