«Аңшылық» фильмінің киногерлері болса, тұсаукесерді шегеруге құлықсыз! Себебі, лента онсыз да 2019 жылы жарық көруі тиіс болатын. Алайда, АҚШ-тың Дейтон қаласындағы жаппай кісі өлтіру оқиғасынан кейін туындының премьерасы кейінге ауыстырылған еді.

Ал көптен күткен кинокеште халық көп болмаса да, режиссер мен актерлар қауымы түгелдей жиналды. Ұжым «коронавирусқа» қатысты соңғы жағдайға қарамастан, көңілдерін әсте түсірмек емес.

Бетти Гилпин, актриса:

– Расымен ерекше сезімдемін! Осы фильм арқылы үлкен экранға қайта оралғаным үшін қуаныштымын. Бұл өте керемет фильм! Ал мен керемет фильмдерді жақсы көремін.

Су жаңа триллер Ричард Коннелланың «Ең қауіпті ойын» әңгімесінің желісімен таспаланған. Сюжет бойынша бір-біріне бейтаныс 12 кісі жапан далада оянады. Кейіннен олар элиталы адамдардың аңшылыққа қатысты ойынының құрбаны атанғанын түсінеді.

Айк Баринхолц, актер:

– Ақыр соңы не болды дейсіз дер ме? Оны айтпай-ақ қояйын. Себебі, лентаны өзңіз тамашалуыңыз тиіс.