Харви Вайншейннің аппеляциялық өтініші қанағаттандырылмады! Продюсер енді өмірінің 23 жылын темір тордың арғы жағында өткізеді. Сот залында ақырғы үкімді естіген Харвидың жүрек талмасы ұстап қалған. Осыған қарамастан сақшылар оның қолына кісен салып, алып кетіпті. Алайда, Голливудтық кей әртістер бұл жазамен келіспейді. «Сексалды зорлы-зомбылық көрсеткен продюсерді өмірбақи түрмеге жабу керек еді» сынды пікірлер көптеп айтылуда.

Киану Ривздың нақсүйері Александра Грант алғаш рет БАҚ өкілдеріне ашық сұқбат берді. Суретші өзін келемеждейтіндер мен мазақтайтындардың көбейгенін айтады. «Иә, шаштарым ағарып кеткен. Бойым 184 сантиметр. Бірақ мені сонда да Киану қатты жақсы көреді», - деген ол, тойдың ауылы алыс емес екенін де астарлап жеткізген.

Бред Питт әлі де жаңа қарым-қатынас құруға дайын болмай шықты! Актер бүгінде бойдақтық өмірін пайдаланып, түрлі сылқымдармен уақыт өткізіп жүргенге ұқсайды. «Дженнифер Энистонмен жұп болды» деп қуанған жанкүйерлердің де салы суға кеткен. Өйткені Питт соңғы сұқбатында басының да, жүрегінің де бос екенін айтып қалған. 56 жастағы Бредтің мейрамхана мен көңіл көтеретін орындарды жағалап жүргенін табынушалары бүгінде жиі көретін болған.