«Рензо» тобынан жаңа туынды. Қонарованың кенжелері «Нам мало» әніне mood видео таспалап, тыңдарманын қуантты. Ырғақты әннің кадрлары бейнебаян ретінде саналамайды. Десе де, жігіттердің барын салып, тер төккені бекер болмады. Ән де, клип те Ютуб қолданушыларының оң бағасына ие болуда.

Жаңа туындымен Назима да өз тыңдарманын қуантуға асық. Black Star-лық арудың «Ленты» атты трегінің желідегі тизері әзірге интригаға толы болып тұр. Махаббат пен құштарлық жайлы туындының тұсаукесері 17-ші наурыз күні қалың көрермен назарына ұсынылмақ.

Ал «Жүзім» тобының экс-солисі Аружан болса, жаңа деммен сахнаға қайта оралмақ. Асыл Айдар құрған ұжымнан ең бірінші болып шыққан ару, бір жыл бойы шығармашылық ізденісте жүрген еді. Бүгінде продюсерсіз жеке әнші ретінде жұмысын бастаған q-pop әншіге анасы қаржылай көмек беруде. Тіпті бикеш бейнебаян таспалап үлгерген.