Сиви Махмуди сүйікті жарын төртінші рет әке атандырмақ па? Әншінің желіге жүктеген мына видеосынан көзі қарақты жанкүйер Махмуди ханымды жүкті деп ойлап қалды. Әзірге әншінің өзі анығын ашып айтпаса да, оқырмандар тілектерін жаудырып үлгерген.

Соңғы уақытта өзін режиссер ретінде сынап жүрген Жеңісхан Момышев, сахнаға қайта оралмақ. Ең басты тыңдарманы – анасының сұрауы бойынша ән жазып, 2020-шы жылы 3 бірдей бейнебаян таспаламақ ниетте.

Жеңісхан Момышев, режиисер - әнші:

-Орысша айтқанда сапожник без сапога, бәрі айтады бәрі қолыңда тұрғанда неге түсірмейсің деп. Сол алла жазса, осы жылда екі-үш клип түсіремін. Бір өзінің сәті түспей жатыр студияға кіруге.

Жеңісхан сахнаға оралса, Айша Байбосынова кино әлеміне бет бұрмақ. Әпкесі Ғалия Байбосынованың қолдауымен әулеттің танымал сұлулары бас қосып, көрерменге толықметрлі лента ұсынбақ. Басты рөлдерде Айшамен қатар Гүлбахрам мен Назым да бой көрсетеді.

Айша Байбосынова, әнші:

- Киноға түсемін, енді әпкем бар ғой Ғалия Байбосынова, неше түрлі кинолардың барлығын түсіріп жүр. Енді әртіспін ғой мен, Гүлбахрам ол актриса, Назым ол да әнші. Енді кеше бүгін шығып жатқан адам емеспіз.