«Чернобыль» оқиғасы үлкен экрандарда! Ресейлік актер әрі кинорежиссер

Данила Козловский 1986 жылғы атом электр станциясының жарылысы жайлы картина таспалаған еді.

Шынайы оқиғаға негізделген туындыда Даниланың өзі басты рөлді сомдайды. Ауқымды жоба ұсынған киногер Чернобыль қаласы тұрғындарының бұл апаттан қалай аман қалғандығы туралы баяндап бермек. Фильм үлкен экрандарға 8-ші қазанда жол тартады.

Әйгілі «Пила» фильмі көрермендерімен қайта қауышпақ! Хоррордың кезекті 9-шы бөлімінің трейлері ел назарына ұсынылды. Еске салсақ, қос режиссер Джеймс Ван мен Ли Уонне́ллдің идеясымен жүзеге асып, сиквелдың алғашқысы 2010 жылы жарық көрген еді.

Аталмыш сиквел үрейлі фильм ретінде ең табысты атанып, «Гиннестің рекордтар кітабына» енген еді. Картинаның кезекті бөлімінде қос детективтің бастан кешкен оқиғасы баяндалады. Полицей қызметкерлері адам өлтіргіштер шоғырланған қалашыққа тергеу жүргізуге аттанады.

«Тақтар ойыны» телехикаясының жұлдызы Софи Тёрнер су жаңа сериалдың басты кейіпкері атанды! Жас актриса режиссер Алекс Морелдің «Survive» атты драмасында Джейн есімді қыздың рөлін сомдайды.

Су жаңа телехикая ұшақ апатынан аман қалған қыз бен жігіттің оқиғасы туралы. Періштесі қаққан қос кейіпкер түрлі қиындыққа тап болады. Олардың басты мақсаты – жабайы орманның заңдарына бағынып, өз өмірлерін сақтау.