Күллі әлемді өзіне қаратқан «Оскар» марапатының жеңімпаздары анықталды! Кино индустриядағы ең шоқтығы биік сайыстың биылғы фавориты – «Паразиты» лентасы. Оңтүстік Корейлік туынды қатарынан «үздік фильм», «үздік шетелдік фильм», «үздік сценарий» жүлдесін еншіледі. Одан бөлек, картина авторы Пон Чжун Хо «үздік режиссер» деп танылды!

Пон Чжун Хо, режиссер:

– Керемет сезімдемін! Бар болғаны, сапалы картина таспалағым келді. Осыншама марапатты еншілеймін деп еш ойламадым!

Еске салсақ, бұл «Оскар» тарихында бас жүлдені иемденген шет тілдегі тұңғыш туынды!

Ал «Джуди» фильміндегі шеберлігі үшін Рене Зеллвегер «үздік актриса» атанса, «Джокер» рөлі үшін Хоакина Феникс «үздік актер» мүсіншесін еншіледі. Бұл жолы да, Хоакин мінбеде тұрып, маңызды мәселелерді көтеруге тырысты.

Хоакин Феникс, актер:

– Көп рахмет! Әрине, діл осылай думандатқанымыз керемет. Бірақ, әлемдік экологиялық мәселелердің бар екенін ұмытпайық. Барлығы сол түйіткілді тақырыпқа назар аударса деймін.

Бұл кинокеш Брэд Питт үшін бұрынғыдан өзгерек! Өнерпаз актерлық мансабындағы тұңғыш «Оскарды» иемденді. Голливудтың серісі «екінші пландағы үздік актер» атанды.

Брэд Питт, актер:

– Ең әуелі лантаның режиссерына алғыс айтқым келеді. Квентин Тарантино өте ерекше, дарынды киногер. Дәл осындай ұжымда жұмыс істегеніме қуаныштымын.

Ал «екінші пландағы үздік актриса» аталымы «Сәтсіз неке» картинасында бой көрсеткен Лора Дернға бұйырды.

Мәртебелі мүсіншілер өз иелеріне табысталып болған соң, кештің көркін Билли Айлиш қыздырды.