Индира Еділбаева украиндық «Голос» шоуынында топ жарды! Осымен оныншы мәрте өтіп жатқан халықаралық ән байқауда бағын сынаған әнші алғашқы кезеңнен сүрінбей өтті.
Индира Еділбаева, әнші:
- Әрине ол күтпеген нәтиже болған. Енді сахнаға тұрған кезде, бәрі бұрылады деп ойламағанмын. Бірақ ол үлкен қуаныш. Ең соңында Тина Кароль бұрылғанда барлық тәлімгерлер бәрі бұрылғанын түсіндім. Өте қуандым, иә. Ол мен үшін үлкен үлкен нәтиже.
Талай жыл сахнада жүрген әншінің өнеріне әділ-қазы мүшелері таңқалған-ды. Украиналық «Hardkiss» рок ұжымының «Мелодия» әнін шырқаған Индиге тіпті тәлімгерлер таласқа түскен еді.
Ал, Индира бұл байқауда өзінің жетекшісі ретінде ТМД елдеріне танылған малдовалық әнші музыкант Дан Баланды таңдады.
Индира Еділбаева, әнші:
- Біріншіден, Дан Балан өте атақты әнші. Өте мықты әртіс. Мен оның әндерін тыңдаймын. Ол енді Украинада ең атақты әнші болып саналады. Енді ол бірінші болып бұрылғаннан кейін мен ішкі ойым болды енді Данға барамын деп.
28 жастағы бикештің бүгінде өз тыңдарманы бар. Тректері хитке айналмаса да, әнші қыз біршама бейнебаян шығарған. Одан бөлек, актерлық шеберлігін шыңдап үлгерген ару, Бүркіттің «Загадай желание» атты фильмінде басты рөлді сомдаған болатын.
Индира Еділбаева сондай-ақ, кезінде «Қазақстан дауысы» жобасында да бағын сынаған еді.
Индира Еділбаева, әнші:
- Егер сен жақсы талантты әнші болсаң, сені өз еліңде де сыйлайды. Енді осы Қазақстан дауысына жобасына мен қатыстым ғой. Сол кезде де, мені де көптеген тыңдармандарым болған.
Инди, енді «Голос Украина» шоуы арқылы өзін дәлелдемек ниетте. Ару ол үшін барымды салуға әзірмін деп отыр.
Индира Еділбаева, әнші:
- Мақсаттар енді көп, шетелде танымал болу және де өз өнерімді көрсетіп. Ол енді басқа елдің адамдары.*Менің өнерімді сыйлап жатыр. Мен үшін ол үлкен мәртебе.
Еске салсақ, 2017 жылы Данэлия Тулешова балаларға арналған дәл осы музыкалық конкурста жеңіске жеткен еді. Бүгінде Индирамен қатар тағы бір отандасымыз Ерлан Байбазаров та аталмыш байқаудың келесі кезеңіне өткенді.
