Әлемге әйгілі, музыка саласының ең беделді «Биллборд» басылымы сатылымы жоғары альбомдарды анықтады! Табыстылар тізімін «Rare» жинағымен Селена Гомес бастайды.

Үлкен сахнаға қайта оралған сылқым шығармашылығына шындап кірісуді көздесе керек. «Rare» әнтаспасына енген әрбір әуен түрлі музыкалық чарттардан түспей жатыр. Еске салсақ, аталмыш альбом Селенаның үшінші студиялық жинағы. Туынды жарық көрген алғашқы аптасында-ақ 53 000 данамен таралып кеткен еді.

Ал Roddy Ricch бұл аптада екінші! Хип-хоп орындаушының «Please Excuse Me For Being Antisocial» яғни, «Әлеуметтік өлшемдерге сай келмегенім үшін кешір» атты альбомы көпке ұнаса керек. Жас өнерпаз өткен жылы ғана дебьют алған еді. Алайда, өнерде жүрген қысқа ғана уақытта Roddy Ricch өз есімін рэпер ретінде қалыптастырып үлгерген.

Үздіктер үштігін тағы бір адуынды рэп орындаушы - Moneybagg Yo тұйықтайды! Оның «Time Served» жинағын жанкүйерлері таласа тыңдап жатқан көрінеді.