Билли Айлиш биылғы жылдың триумфаторы! Тұңғыш рет «Грэмми» үміткерлері тізімінен табылған жас әнші төрт бірдей мүсіншенінің иегері атанды. «Үздік поп альбом», «Үздік дебьют», «Жыл жазбасы» және «Жыл әні». Мұның барлығы Биллиге тиесілі жүлделер.

Маңызды сәтте Биллиды ағасы, продюсері, әрі әндерінің авторы

Финнеас бір сәт те жалғыз қалдырмады.

Финнеас О’Коннелл, музыкант:

– Не дерімді де білмей тұрмын! Осында ата-анамыз, жақын достарымыз, менің сүйіктім, күллі командам отыр. Барлығына рахмет!

Кейіннен, Финнеастың өзі «жыл продюсері» марапатын қанжығасына байлады.

Билли Айлиштан тек бір жүлдемен артта қалған Лиззо да бұл шараның жеңімпазы. Еске салсақ, үш бірдей марапатты еншілеген сылқым бодипозитив әндерімен танымал.

Лиззо, әнші:

- Бір секунд... Рахмет! Бұл менің музыкалы мансабымдағы тұңғыш «Грэмми». Не дерімді де білмей тұрмын. Ерекше сезімдемін, толқып тұрмын!

Жыл бойы музыкалық чарттардан түспеген «Old Town Road» трегінің авторы Lil Nas X Billy Ray Cyrus-пен бірге «үздік дуэт» жүлдесін иемденді.

Кейіннен хитке айналған туындыны Lil Nas X BTS-пен бірге орындап, тыңдарманды таңқалтты.

Сондай-ақ, бұл кеште Dan + Shay’s, Tyler, the Creator сынды әншілердің де есімі аталған еді. Жеңімпаздар тізіміне қарап, «Грэммиде» де биыл жастар жылы дерсіз. Себебі, «old school» әнші ретінде, тек DJ Khaled өзгелерден суырылып шықты. Музыкант «үздік рэп» аталмына лайық деп танылған.