Ирина Шейк пен Бредли Купер айырылысқаннан кейін, жұлдызды жұптың жанкүйерлері екеуі қайта қосыла ма деп үміттенген еді. Бірақ жағдай бара – бара ушығуда. Өйткені Ирина әлі күнге дейін, Бредлиге тіс қайрап жүрген сияқты. Әр сұқбатында астарлап оның әйелдерді емес, ерлерді жақсы көретінін айтады. Осы уақытқа дейін үнсіз келген актер, енді экс-ғашығын сол сөздері үшін сотқа бермек.

Ким Кардашьян мен Канье Уэст жаңа жылға орай қыздарына аңызға толы сыйлық жасады! Норт мерекеге орай Майкл Джексонның күртешесін алғанда, қуаныштан көз жасына ерік беріпті. Сәнбике бұл жайында өзінің инстаграм парақшасында жазған. Ал Канье «Менің қызым ең бағалыға, ең жақсыға лайық» дейді.

Трэвис Скотт пен Кайли Дженнер қайтадан қосылуға ниетті ме? Желі беттерінде қос жұлдыздың жаңа жылды қыздары Стормимен бірге тойлаған суреттері тарап кетті. Және Трэвис мерекеге орай экс-ғашығына гауһар тастармен көмкерілген алқа сыйға тартқан. Кейін белгілі болғандай, екеуі мейрамды тек қыздарының қуанышы үшін ғана бірге атап өтіпті.