Суперқаһармандар туралы картина десе, ішкен асын жерге қоятын көрермен үшін жағымды жаңалық! Warner Bros компаниясы көптен күткен «Wonder Woman:1984» фильмінің трейлерін ұсынды.

Галь Гадот басты рөлді сомлдайтын лентадағы оқиғалар 1984 жылда өрбиді. Енді Wonder Woman-ға сыйқырдың көмегімен құдайға айналуды көздеген кәсіпкер Лордпен күресуге тура келеді. Фантастикалық картина келер жылдың 5 мауысымында көрерменге жол тартуы тиіс.

Көптен бері үнсіз қалған Marvel-дың да ұсынары бар! Әйгілі киностудия «Қара жесірдің» трейлерін жариялағаны сол-ақ, видеоролик миллиондап қаралым жинап үлгерді. Фильмдегі оқиға, өткен «Алғашқы кек алушы: қарсылық» пен «Кек алушылар: Шексіз соғыс» картиналарының арасындағы уақытты қамтымақ. Қысқасы, көрермен Скарлет Йохансоннан өзге, Роберт Дауни кіші, Дэвид Харбор, Рэйчел Вайспен келер жылдың сәуірінде қайта қауышпақ.

Райан Рейнольдс те кезекті картинасында суперқаһарманға айналады. Дэдпул образы арқылы ел есінде жатталған актердың бұл жолғы образы да қызықты. Шытырманға толы лентаның сюжеті бойынша, Гай есімді банк кықызметкері әр күні қылмысқа толы, көшеде бір-бірін атып кете беретін ерек әлемде өмір сүреді. Күндердің күнінде, тәртіпті болудан шаршаған ол, бұзақылардың қатарына қосылады. Фильм 2020 жылдың шілдесінде көрерменге жол тартуы тиіс.