Энн Хэтэуэй екінші рет ана атанды! Күні кеше Коннектикуттағы саябақтардың бірнде актрисаның жары Адам Шульман жаялыққа оралып, беті қымталған нәрестені көтеріп бара жатқан жерінен камера көзіне ілігіп қалған. Адамның қасында Энн және үш жасар ұлы Джонотон да болған. Жұлдызды жұп балалы болғандарын әлі ресми мәлімдемеді және сәбидің жынысы мен аты да әзірге беймәлім.

Бейонсе күні кеше Батыстық БАҚ-қа сұқбат беріп, іштегі жегідей жеген жағымсыз жаңалықтарымен бөліскен. Айтуынша әншіні соңғы үш жылдықта тек сәтсіздіктер қоршап алыпты. Оның айқын дәлелі, екі жыл қатарынан «Грэмми» марапатының бірде бір жүлдесін ала алмауы. Қала берді отбасындағы шиеленіс те, Бейонсенің денсаулығына әсер етпей қоймапты. Күйеуімен ара-қатынасының қиындағаны соншалық, әнші төрт рет түсік тастапты. «Бұл өмірде бәрі өткінші, бәрі сынақ екеніне көзім жетті» дейді Бей.

Күні кеше 62 жастағы «Роксет» тобының солисі Мари Фредрикссон бақилық болды. Ақын, композитор және рокер Мари өмірінің соңғы 7 жылында онкологиялық аурумен күресіп келді. Өмірге құштар Фредриксон сол жылдарда 8 бірдей альбомдар жинағын шығарып, жаңа хиттарды өмірге алып келді.

Бірақ ауру дендеген ағзасы сыр берген Мари соңғы бір жылда жан күйзелісіне тап болып, төсек тартып қалған екен. Нәтижесінде кеше таңертең 9-да әншінің денесін өз пәтерінен тапқан.