Әнші Рианна болса, қалыңдық атанбақ! Танымал R&B орындаушысы, араб миллиардеріне тұрмысқа шықпақ. Сүйіктісі

Хассан Джамильмен отау құруды көздеген Рири, үйленуге ұсыныс алған ба?

Рианна мен Хассан Джамильдің көңіл қосқанына екі жылдан асқан. Араб миллиардері мен әнші талай рет қош айтысып, қайта қосылған еді. Қарым-қатынастарын жұрт назарынан тасада ұстайтын жұп, үйленуге қамданып жүрген көрінеді. Рианнаның жақындары, өнерпаз тіпті ғашығының ұсыныс жасағанын тағатсыздана күтіп жүргенін жеткізді.

***

Венсан Кассель үшінші рет әке атанды. 52 жастағы актерға сүйіктісі Тина Кунаки шекесі торсықтай сәби сыйлаған. 21-ге енді толған сәнбике мен киногер өткен жылы шаңырақ көтерген еді. Бүгінде қызды болған Венсан үшін бұл екінші рет отағасы атануы. Еске салсақ, голливуд жұлдызы мен Моника Беллуччи заңды некеде тұрған болатын.

***

BTS «Гиннесстің рекордтар кітабына» енді. Оған корейлік бойзбендтің су жаңа альбомы себеп болған екен. Таяуда ғана жарық көрген «Map of the Soul: Persona» жинағы сатылымы жағынан рекордтар орнатқан. K-pop өкілдері әйгілі тізімде, дәл осы үнбаспаға тиесілі «Boy With Luv» трегіне арналған бейнебаянымен бар. Ол ютуб платформасында 24 сағат ішінде ең жылдам қаралған видео ретінде еніп отыр.