Оңтүстік корейлік ұжым – BTS те су жаңа бейнебаянымен күллі Армиді қуантуда! Бойзбендтің Холзимен шырқаған дуэті қаралым жағынан әлемдік рекорд орнатты! Енді, жігіттер Эд Ширанмен тағы бір видео ұсынуы бек мүмкін!

Бір тәуліктің ішінде 90 миллион қаралым! Осылайша, BTS-тың Холзимен ерек каллобарациясы ютуб тарихында әлемдік рекорд орнатты. Оңтүстік корейлік бойзбендтің бұл туындысын, Арми секунд санап тосқаны жасырын емес. Жігіттер, бейнебаянмен бірге «Map of the Soul: Personа» альбомының да тұсауын кескен еді.

Аталмыш жинақ, BTS-тықтардың алтыншы мини-альбомы болып саналады. Туынды басы-қасы 7 тректен құралған. Оның ішіндегі «Make It Right» әніне жігіттер болашақта Эд Ширамен бірлесе бейнебаян түсіреді деп күтілуде. Бұған дейін, британдық музыкант әйгілі бойзбендпен дуэт құруы мүмкін екенін айтып келген еді.

Ал, альбомның тұсауын кескен бойда, BTS америкалық «Saturday Night Live» шоуына арнайы шақырылды. Еске салсақ, жігіттер бұл бағдарламада музыкалық қонақ атанған алғашқы корейлік әртістер. «Мәртебелі мейман» болған бойзбенд, бағдарламада су жаңа әндерін орындады.