Мадонна сынды майталман музыканттарға соңғы кездері жас орындаушылар шаң қаптырып жүргені жасырын емес! Әйгілі Биллборд чарты әдеттегідей, үздік альбом иегерлерін анықтады. Көш басында – Билли Айлиш.

Билли Айлиштың атағы асқақтауда! Небәрі 18-дегі жас музыканттың есімі соңғы кездері түрлі чарттартардан түспей жүр. Енді, міне әншінің тырнақалды альбомы Биллбордтың «ең табыстылар» көшін бастады. Сатылымы жағынан рекорд орнатқан «When We All Fall Asleep, Where Do We Go?» жинағы он күн бұрын ғана жарық көрді. 14 тректен құралған туындыны тыңдарман қауым тағатсыздана күткен.

Музыкалық тізімнің екінші орынына жайғасқан «Victory Lap» та Nipsey Hussle-дың алғашқы альбомы. Хип-хоп орындаушы өнерде он жылдан астам жүрсе де, бірер ай бұрын ғана тың туындысын ұсынды.

Жуырда ғана жаңа жинақ шығарған Ариана Гранде де оңайлықпен берілмейді! Әнші «Тhank u, next» трегімен экс-сүйіктілеріне алғысын жаудырған еді. Енді, құрбысы Виктория Монетпен «Монополи» әні арқылы жанкүйерлеріне рахметін айтты. Орындаушының жылы лебізі фанаттарына жеткендей, оның альбомы да үздіктер қатарында. ф

Биллборд чартының тізімінде жастардың арасынан Джордж Стрейттің табылуы күтпеген жайт болды! Десе де, канрти орындаушының «Honky Tonk Time Machine» жинағын жұрт таласа тыңдап жатқан көрінеді.