Бритни Спирстың жағдайы мәз емес сияқты. Атақты әншінің жүйкесі жұқарған көрінеді. Тіпті Бритни енді арнайы емделу орталығына аттанбақ. Өнер иесінің мұндай жағдайға түсуіне не себеп болды?

Бритни Спирстың денсаулығының сыр беруіне, әкесінің жағдайы әсер еткен көрінеді. Әншінің ет жақынына ота жасалып, бір өлім аузынан қалған. Бұл хабар, Бритниді уайымға салып, жүйкесін де жұқартыпты. Өнерлі бикеш енді бірнеше ай мамандардың қарауында болады.

Джеки Чан мен Арнольд Шварценеггер соғыс алаңына аттанды. Әйгілі қос актер су жаңа «Айдаһардың құпия қолтаңбасы» лентасында бой көрсеткен. Ресей мен Қытай елдері бірігіп таспалаған фэнтези, 2014 жылы жарық көрген «Вий» фильмінің жалғасы. Қиял-ғажайыпқа толы картина 19-шы қыркүйектен бастап үлкен экрандарға жол тартады.

Том Холланд «Кек алушылар: Соңы» фильмінде, сценараиймен таныспай-ақ өз рөлін сомдап шыққан. Өрмекші адам, су жаңа картинаның толық сюжетімен таныса алмапты. «Marvel» компаниясының мұндай шешіміне, Томның спойлерге құмарлығы себеп. Жас актер тек өз эпизодтарымен ғана танысу мүмкіндігіне ие болған.

Анджелина Джоли кино мансабына уақыт таба алмай жүр. БҰҰ-ның ерікті елшісі атанған актриса үшін, бүгінде көмекке зәру жандардың мәселесі бірінші орында. Босқындарға қол ұшын беріп, ел аралауды әдетке Айналдырған Энджи, тіпті шығармашылықты тоқтауым мүмкін дейді. Себебі майталман актриса саясаттағы қызметіне білек сыбана кіріспек.