Отандық каскадерлар HBO компаниясымен бірігіп «Жауынгер» телехикаясын ұсынады! Брюс Ли қолжазбаларына негізделген туынды «Номад» ұжымының қатысуымен таспаланған. Шетелдік киногерлер, жерлестерімізді аталмыш лентаға түсу үшін арнайы шақыртқан көрінеді.

HBO таспалаған су жаңа телехикаяның идеясы Брюс Лиге тиесілі. Әйгілі актер «Жауынгер» лентасының концепциясын сонау 1971 жылы әзірлеген еді. Алайда, араға уақыт салып, «Форсаждың» режиссеры Джастин Лин мен киногер Джонатан Троппер туындыны қолға алды.

Экшн-телехикаяда шытырманға толы сахналар жетерлік. Онда атыс-шабыс пен қиын трюктерді орындау міндеті қазақстандық «Номад» ұжымына бұйырған. Олардың айтуынша, отандастарымыздың есімі голливудтықтарға жақсы таныс.

Жайдарбек Күнғожинов, «Nomad Stunts» каскадерлар тобының жетекішісі:

-Қазір біледі бәрі, продюсерлер біледі. Мысалы, қазір Дисней компаниясында «Мулан» деген киноны түсіріп бітірдік. Уже Индияға кетеміз, Боливудский киноға. Сонда бізді көріп қайта шақырып жатыр. Сосын Нетфликспен жұмыс істейміз биыл Чехияда.

Одан кейін, каскадерлар «Жауынгердің» екінші мауысымын таспалауға кіріспек. Еске салсақ, оқиға желісі 19 ғасырда өрбитін телехикаяда, қарақшылармен істі болған қытайлық азаматтың бастан өткергені баяндалады. Туындыда тер төккен номадтықтарға, қаламқы төлеуде киногерлер аянып қалмайтын көрінеді.

Жайдарбек Күнғожинов, «Nomad Stunts» каскадерлар тобының жетекішісі:

-Гонорарын айта алмаймын, әртүрлі гонорар. Мысалы мен Диснейда каскадерлік пен дублерден басқа маған рөл берді сондағы бір актерді алып тастап. Алдында, біз сериалда істегенбіз американдық сериалда, яғни соған сай әртүрлі. Әрине, мына жақа қарағанда жоғарылау.

Ал, қазақстандықтармен бірге таспаланған «Жауынгер» телехикаясы 5-сәуірден бастап көрерменге жол тартпақ.